Náttúrugrundað heilsufremjan
Nú heystið nærkast og dagarnir styttast byrja vit eitt nýtt spennandi og mennandi skeið í Náttúrugrundaðari heilsufremjan. Skeiðið er ætlað teimum, ið eru áhugað at royna heilsufremjandi útilív, har ið tú verður likamliga og mentalt stimbrað/ur við ymiskum vegleiddum venjingum
-
Likamligar venjingar
-
Andadráttsvenjingar
-
Sansavenjingar
-
Nærveruvenjingar
-
Gongutúrar
-
Undirvísing
-
Kreativar venjingar
-
Bál - bálmat
Náttúran gevur djúpan frið við tað at hon ikki setur krøv og á tann hátt hjálpir okkum varisliga at sleppa
spenningum í likam og sál. Við hesum skeiðinum gerast vit tilvitað um at blíva meira nærverandi við
náttúruna. Náttúran stimbrar okkum og vit gerast meira opin og forvitin um tað, ið er rundan um okkum. Í
felagsskapinum skapast ein sissandi nærvera, náttúrlig sambond og hugni.
Skeiðið byrjar 27. septembur í Havn
Pláss er fyri 8 luttakarum og kostnaðurin er 3500 kr.
Skeiðið er mikudagar frá kl 18.00 til 20.00
Hvat siga luttakarar ið áður hava roynt ”Náttúru-grundað heilsufremjan”
Sera gott.
Føli hvussu gott og týdningarmikið tað er at njóta løtuna.
Mann kemur burturfrá dagligdegnum við at sita við bálstaðið.
Eggjað meg til at vera meira úti.
So øðrvísi enn tað eg eri von við.
Givið mær íblástur og hugskot til, hvussu eg kann brúka náttúruna.
Gevandi, áhugavert og professionelt – man merkir at tit brenna fyri hesum.
Fingið íblástur til at dyppa.
Gott at koma út og at sita við bálið.
Ótrúliga góð kvøld.
Føli eg havi fingið dirvi til at koma ”longri” út.
Lært at sita við mær sjálvum og merkja frið.
Havi flutt mørk.
Hevur verið læruríkt.
Hevur verið
avstressandi og gott upplivilsi.
Eg hugsi betri.
Tað var spennandi, mennandi og áhugavert.
Hjálpt mær at vera meira tilvitað um at vera í nú´inum.
Gleði meg til hvørja ferð.
Glaður fyri at hava luttikið.
So friðsælt.
Lært hvussu stóra ávirkan
náttúran hevur á heilsuna.
Gott at kunna kobla av.
Dugi betri at brúka náttúruna meira aktivt, eisini í ringum veðri.
Ótrúliga spennandi.
Lært nýggj støð at kenna.
Njóti løturnar.
Meira tilvitað um mínar tankar.
Havi glett meg til hvørja ferð.
Tilmelding
Melda teg til við at útfylla teigarnar niðanfyri
